Изгубен багаж
1. Пристигнавте на Меѓународниот Аеродром Скопје, но не го подигнавте регистрираниот (чекираниот) багаж затоа што не е пристигнат?
= изгубен багаж; багаж што не е пристигнат на вашата дестинација (Записник за изгубен багаж)
2. Пристигнавте на Меѓународниот Аеродром Скопје, го подигнавте регистрираниот (чекираниот) багаж, но забележавте дека багажот би е оштетен?
= оштетен багаж (Записник за настаната штета)
3. Пристигнавте на Меѓународниот Аеродром Скопје, го подигнавте регистрираниот (чекираниот) багаж, но забележавте дека некој предмет ви недостасува од багажот?
= недостасува предмет од багаж (Записник за настаната штета)
4. Пристигнавте на Меѓународниот Аеродром Скопје, но заборавивте или изгубивте некој ваш (личен) предмет во авионот?
= заборавен или изгубен (личен) предмет во авион
5. Дали имате потреба од чување на вашиот багаж или некој друг предмет на аеродромот?
= чување багаж
Не грижете се!
Обратете се во канцеларијата на службата за изгубен багаж веднаш по пристигнувањето на аеродромот, односно, веднаш штом ќе воочите, забележите дека багажот не ви е пристигнат / багажот ви е оштетен / недостасува предмет од вашиот багаж или доколку забележите дека имате заборавено некој предмет во авионот.
Канцеларијата на службата за изгубен багаж се наоѓа во зоната за пристигнување, зоната за подигнување багаж, веднаш по шалтерите за пасошка контрола.
Штом ќе пристигнете во службата за изгубен багаж, имајте ги подготвени за да ги приложите бординг картата и налепницата за регистрираниот багаж, со цел да ги дадете потребните податоци и информации на нашите колеги.
① За изгубен багаж или багаж што не е испорачан на вашата дестинација, нашите агенти од службата за изгубен багаж ќе подготват Записник за нерегуларност на багаж (Property Irregularity Report–PIR) и со него ќе ви издадат и референтен број (на пр., ABCDE12345), за изгубениот/задоцнетиот багаж да може дополнително да се следи и лоцира преку World Tracer Management.
На следниов линк може да го следите вашиот багаж
www.worldtracer.aero
② ③ За оштетен багаж или доколку недостасуваат предмети од вашиот багаж, нашите агенти од службата за изгубен багаж ќе подготват Записник за настаната штета (Damage Property Report – DPR) и со него ќе ви издадат и референтен број, кој понатаму можете да го користите за побарувања за отштета до авиокомпанијата со која сте патувале.
Забелешка: Во случај да забележите оштетување на багажот или дека ви недостасува предмет од багажот откако веќе сте заминале од аеродромот, мора да пријавите до надлежната авиокомпанија во рок од 7 дена, во писмена форма.
④ За заборавени или изгубени предмети во авион, ве молиме истото да го пријавите во канцеларијата на нашата служба за изгубен багаж, а нашите колеги ќе ве упатат за натамошната постапка.
За да контактирате со службата за изгубен багаж, јавете се на +38923148334; +38923148366, или испратете е-пошта на lostbaggage@tav.aero
Службата за изгубен багаж обезбедува услуги за сите авиокомпании што сообраќаат од Меѓународниот Аеродром Скопје.
⑤ Чување багаж
Ако имате потреба од чување или складирање на вашиот багаж или некој друг предмет на аеродромот, нашиот тим од Службата за изгубен багаж ќе ви помогне.
Вашиот багаж, детска количка, седиште за во автомобил, медицински помагала, спортска опрема, документи, и/или други предмети, освен опасни материи или храна и расиплива стока, можете да ги оставите на чување, за одреден надомест, најмногу до 30 дена.
Овде можете да го проверите и преземете Ценовникот за чување багаж.
За повеќе информации во врска со чувањето на багажот, ве молиме контактирајте ја нашата служба за изгубен багаж на +38923148334 или +38923148366, или испратете е-пошта на lostbaggage@tav.aero.
Корисни информации
Паркинг
Меѓународен Аеродром Скопје располага со сопствен паркинг простор....
Информации за летови
Информации за пристигнување и заминување на летови на Меѓународниот Аеродром Скопје во реално време
Често поставувани прашања
До/од Меѓународниот Аеродром Скопје има редовен автобуски превоз за патници којшто поминува и застанува на клучни автобуски постојки низ градот Скопје и пристигнува до аеродромот. Со овој автобуски превоз управува компанијата V2V Transporter. Возниот ред на автобусот се подготвува според распоредот на летови на Меѓународниот Аеродром Скопје. Билетот во една насока за автобускиот превоз чини 199 денари. Повеќе информации можете да најдете во делот Водич за патници на веб-страницата, односно на Автобус.
Меѓународниот Аеродром Скопје работи 24/7. Рестораните и кафулињата како Cakes & Bakes, Café In, Burger King и Need Stop им се постојано достапни на патниците; бизнис-салонот (PrimeClass CIP Service) нуди комфор 24/7, а бесцаринската продавница (ATU Duty Free) е отворена согласно летовите и нуди широк асортиман на производи.
Пријавувањето на патниците на шалтерите за пријавување патници и багаж почнува 180 минути (3 часа) пред закажаното време на полетување (STD) наведено на вашиот авионски билет. Времето на затворање на шалтерот за пријавување на аеродромот е најдоцна 60 минути пред закажаното време на полетување наведено на вашиот авионски билет.
Од почетокот на пандемијата со ковид-19, поради барањата за различни патни документи наметнати од различни земји, ТАВ Македонија апелира патниците да пристигнуваат на аеродром 3 часа пред полетување.
За информации во врска со летовите, следете ја веб-страницата на Меѓународниот Аеродром Скопје, во делот Пристигнувања и/или Заминувања, каде што сите промени во распоредот на летови се обновуваат во реално време, односно како што ни пристигнуваат информациите од авиокомпаниите.
Доколку Ви се потребни итни дополнителни информации за Вашиот лет, можете да го контактирате Шалтерот за информации на телефонскиот број: +389 2 3148 333, кој работи 24/7.
На патниците им е дозволено да носат предмети за кои не се наплаќа како што се: палто, 1 чадор или бастун, 1 женска чанта, 1 камера или двоглед, 1 корпа за носење на новороденче, 1 пар патерици или слични протетички помагала, медицинска опрема од која патникот е зависен, соодветна количина храна за бебиња.
Во врска со висината на надоместоците за багаж, Ве молиме контактирајте ја авиокомпанијата со која летате, бидејќи секоја авиокомпанија има своја политика и правила за багаж.
Ако имате специфични прашања во врска со дозволени/недозволени предмети во багажот, поставете го Вашето прашање до нашиот Оддел за односи со клиенти, на следниот е-мејл: customer.mk@tav.aero
Во случај на изгубен или оштетен багаж, веднаш упатете се во Одделот за изгубен багаж, кој е лоциран близу до лентите за подигнување на багажот, односно во зоната за Пристигнувања во државата и по Пасошка контрола, а пред Царинска контрола.
Нашите вработени ќе ви изготват записник за изгубен/оштетен багаж, со кој потоа ќе се обратите до вашата авиокомпанија. Доколку ви е потребно да го контактирате одделот за изгубен багаж, пишете ни на: lostbaggage@tav.aero
За изгубени/најдени предмети во авион, контактирајте нé на истиот мејл: lostbaggage@tav.aero
Ако изгубите или најдете личен предмет во аеродромската зграда, веднаш пријавете или на Шалтерот за информации или пак кај вработените од обезбедувањето, а доколку сте веќе заминати од аеродромот пишете ни на lost.property@tav.aero
Сите детали на: http://skp.airports.com.mk/.../airpo.../page/lost-luggage-mk
Да. Од 2015 година ТАВ Македонија има воведено бесплатен безжичен, Wi-Fi, интернет на Меѓународниот Аеродром Скопје. Патниците можат преку нивните мобилни уреди да го користат бесплатниот безжичен интернет со едноставно приклучување на безжичната мрежа со име: TAV Airports, без потреба од впишување лозинка.
Вашето возило може да го паркирате на нашиот паркинг без претходна резервација. Оваа услуга е достапна 24/7 на Меѓународниот Аеродром Скопје.
Ценовник за паркинг:
1ч – МКД 100
2ч – МКД 150
3ч – МКД 200
4ч – МКД 300
4-6ч – МКД 400
6-8ч – МКД 500
8-24ч – МКД 1,000
3-5 дена – МКД 3,500
5-7 дена – МКД 4,500
Секој нареден ден – МКД 400
За повеќе информации за паркинг услугите, ве молиме кликнете на Паркинг.
Да. Меѓународниот Аеродром Скопје има посебно означени паркинг-места за лицата со попреченост и паркингот за нив е бесплатен во рок од 24 часа. Со покажување на сообраќајната дозвола и легитимацијата за попреченоста на Шалтерот за наплата на паркинг, лоциран во терминалната зграда, нашите вработени ќе го поништат паркинг-билетот и лицето со попреченост автоматски ќе биде ослободено од плаќање паркинг. Доколку сите паркинг-места за лицата со попреченост се зафатени, паркирајте се на обично место и следејќи ја истата постапка ќе бидете ослободени од плаќање паркинг.
За повеќе информации за паркинг услугите, ве молиме кликнете на Паркинг или на http://skp.airports.com.mk/mk-MK/passenger-guide-mk/page/-passengers-with-disabilities-and-passengers-with-reduced-mobility-prm-mk-
За патување со миленик во авион потребно е патниците да ги обезбедат сите потребни документи и вакцини за животното пред да тргнат на пат. За подетални информации обратете се во авиокомпанијата со која летате:
https://en.aegeanair.com/travel-information/special-assistance/traveling-with-pet/
https://www.turkishairlines.com/en-us/any-questions/traveling-with-pets/
https://www.croatiaairlines.com/Travel-info/Special-passenger-categories/Animals
https://www.qatarairways.com/en/baggage/animals.html
https://www.austrian.com/Info/Flying/TransportationAnimals
https://www.flypgs.com/en/write-to-us/a0j58000000NHWFAA4#sf-1
Wizz Air не дозволува домашни миленици во авион, со исклучок на кучиња водичи кои придружуваат лица. За овие кучиња е неопходно да се достават соодветни документи за патување.
https://wizzair.com/en-gb/information-and-services/travel-information/baggage
Да. Меѓународниот Аеродром Скопје има Служба за помош на патници со попреченост и патници со намалена подвижност – PRM. Службата каде што може да се најде оваа бесплатна услуга, се наоѓа веднаш до Шалтерот за информации, во терминалната зграда. Како личност со намалена подвижност (PRM) се подразбира секое лице чија подвижност е намалена поради физичка попреченост (сензорна или локомоторна), интелектуален дефицит, возраст, болест или друга причина.
Да. На Меѓународниот Аеродром Скопје има просторија за пушење, која се наоѓа во безбедносно-контролираната зона. Просторијата за пушење се наоѓа веднаш до излез број 201, односно од левата страна по пасошка контрола и по пунктот за безбедносен преглед.
Покрај собата за пушење, патниците можат да ги користат и отворените тераси од кафетериите кои се наоѓаат на влезот во терминалната зграда на аеродромот.
Пушењето е забрането во останатиот дел од терминалната зграда.
Во случај на општи прашања за кои не ви е потребен итен одговор, жалби или пофалби, пишете ни на customer.mk@tav.aero Тоа е нашиот Оддел за односи со клиенти, од каде во најкус можен рок ќе добиете одговори на Вашите прашања.