Порака од менаџментот
Порака од менаџментот
Во текот на изминативе 25 години, ТАВ стана еден од водечките брендови во аеродромското работење. Денес управуваме со 15 аеродроми во осум земји и заедно со нашите услужни компании, во глобални рамки работиме на 90 аеродроми во 29 земји.
Благодарение на нашиот уникатен бизнис-модел и обемни знаења и вештини, ги нудиме најдобрите решенија за различни аеродромски проекти ширум светот.
Нашиот успех во услови на многубројни кризи низ годините е резултат на напорите на нашите 33 илјади вработени, кои се обединија за една единствена цел, под водството на нашиот основач-партнер, Сани Шенер.
Како нов раководен тим, со истиот ентузијазам, ќе продолжиме да се заложуваме за напредокот и прогресот на ТАВ.
Успеавме да излеземе посилни од пандемијата што ја предизвика најголемата криза во историјата на воздухопловството. Двата клучни успеха и големи постигнувања за нашиот долгорочен раст во овој период се додавањето на аеродромот во Алмати во нашето портфолио, како и продолжувањето на нашата концесија заедно со нашиот партнер Фрапорт, за аеродромот во Анталија, до 2052 година.
Со доброто темпо на закрепнување на авиосообраќајот на глобално ниво и со приближувањето до нивоата од пред пандемијата во 2022 година, ТАВ и натаму се издвојува од другите благодарение на балансираното портфолио.
Внимателно ги следиме новите можности во нашите целни региони на Блискиот Исток, во Африка, на Балканот и земјите од Заедницата на независни држави (The Commonwealth of Independent States – CIS). Како компанија ориентирана кон раст, ќе продолжиме да го збогатуваме нашето портфолио со додавање нови аеродроми.
Како дел од Групацијата АДП, најголемата платформа за управување со аеродроми на глобално ниво, имаме присуство на 125 аеродроми во 50 земји. Во иднина, нашата цел е да ја зајакнеме културата на соработка и иновации во рамки на Групацијата. Ќе создадеме зголемена синергија во области во однос на задоволство, односно искуство на патниците, дигитализација, оперативна ефикасност и корпоративна општествена одговорност.
Воздухопловството бележи импресивен раст од втората половина на 20-от век, како еден од водечките сектори на глобализацијата. Глобалниот патнички сообраќај бележеше 100 милиони патници во 1960 година, а достигна 4,5 милијарди во 2019 година.
И покрај периодите на стагнација, глобализацијата ќе продолжи како тренд и ние сме уверени дека и растот исто така ќе продолжи, особено на нашите целни пазари.
И покрај тоа, соочени сме со огромниот предизвик со климатските промени и декарбонизацијата на глобалната економија. При придвижувањето на нашите аеродроми кон целта за „нулта нето емисија“, ќе соработуваме со партнерите од нашата индустрија за да го надминеме овој предизвик.
Задоволството на патниците останува во суштината на нашите активности додека чекориме напред за да ги оствариме нашите цели.
Ќе работиме на создавање на највисока можна вредност за нашите чинители, како и на постигнување одговорен и одржлив раст и за заштита на животната средина.
Нашиот главен приоритет и натаму ќе биде да обезбедиме задоволство на нашите вработени, за да ги реализираме овие цели. Патот до нашите цели ќе продолжи да биде создавање нови можности за личен и професионален развој на нашите вработени.
ТАВ го редефинираше бизнисот со аеродромски операции и управување и стана пионер во создавањето нова индустрија уште во 1997 година кога беше и основана.
Иако денес живееме во многу поразличен свет, нашиот главен пристап остана непроменет. Еден аеродром може да се замисли само со гледање во иднината. Ние секогаш гледаме напред и ја обликуваме иднината на аеродромите.
|
Серкан Каптан Главен извршен директор |
Франк Мерејде Член на Извршен одбор и Претседател на Извршен комитет
|
Корисни информации
Паркинг
Меѓународен Аеродром Скопје располага со сопствен паркинг простор....
Информации за летови
Информации за пристигнување и заминување на летови на Меѓународниот Аеродром Скопје во реално време
Често поставувани прашања
До/од Меѓународниот Аеродром Скопје има редовен автобуски превоз за патници којшто поминува и застанува на клучни автобуски постојки низ градот Скопје и пристигнува до аеродромот. Со овој автобуски превоз управува компанијата V2V Transporter. Возниот ред на автобусот се подготвува според распоредот на летови на Меѓународниот Аеродром Скопје. Билетот во една насока за автобускиот превоз чини 199 денари. Повеќе информации можете да најдете во делот Водич за патници на веб-страницата, односно на Автобус.
Меѓународниот Аеродром Скопје работи 24/7. Рестораните и кафулињата како Cakes & Bakes, Café In, Burger King и Need Stop им се постојано достапни на патниците; бизнис-салонот (PrimeClass CIP Service) нуди комфор 24/7, а бесцаринската продавница (ATU Duty Free) е отворена согласно летовите и нуди широк асортиман на производи.
Пријавувањето на патниците на шалтерите за пријавување патници и багаж почнува 120 минути (2 часа) пред закажаното време на полетување (STD) наведено на вашиот авионски билет. Времето на затворање на шалтерот за пријавување на аеродромот е најдоцна 40 минути пред закажаното време на полетување наведено на вашиот авионски билет.
За информации во врска со летовите, следете ја веб-страницата на Меѓународниот Аеродром Скопје, во делот Пристигнувања и/или Заминувања, каде што сите промени во распоредот на летови се обновуваат во реално време, односно како што ни пристигнуваат информациите од авиокомпаниите.
Доколку Ви се потребни итни дополнителни информации за Вашиот лет, можете да го контактирате Шалтерот за информации на телефонскиот број: +389 2 3148 333, кој работи 24/7.
На патниците им е дозволено да носат предмети за кои не се наплаќа како што се: палто, 1 чадор или бастун, 1 женска чанта, 1 камера или двоглед, 1 корпа за носење на новороденче, 1 пар патерици или слични протетички помагала, медицинска опрема од која патникот е зависен, соодветна количина храна за бебиња.
Во врска со висината на надоместоците за багаж, Ве молиме контактирајте ја авиокомпанијата со која летате, бидејќи секоја авиокомпанија има своја политика и правила за багаж.
Ако имате специфични прашања во врска со дозволени/недозволени предмети во багажот, поставете го Вашето прашање до нашиот Оддел за односи со клиенти, на следниот е-мејл: customer.mk@tav.aero
Во случај на изгубен или оштетен багаж, веднаш упатете се во Одделот за изгубен багаж, кој е лоциран близу до лентите за подигнување на багажот, односно во зоната за Пристигнувања во државата и по Пасошка контрола, а пред Царинска контрола.
Нашите вработени ќе ви изготват записник за изгубен/оштетен багаж, со кој потоа ќе се обратите до вашата авиокомпанија. Доколку ви е потребно да го контактирате одделот за изгубен багаж, пишете ни на: lostbaggage@tav.aero
За изгубени/најдени предмети во авион, контактирајте нé на истиот мејл: lostbaggage@tav.aero
Ако изгубите или најдете личен предмет во аеродромската зграда, веднаш пријавете или на Шалтерот за информации или пак кај вработените од обезбедувањето, а доколку сте веќе заминати од аеродромот пишете ни на lost.property@tav.aero
Сите детали на: http://skp.airports.com.mk/.../airpo.../page/lost-luggage-mk
Да. Од 2015 година ТАВ Македонија има воведено бесплатен безжичен, Wi-Fi, интернет на Меѓународниот Аеродром Скопје. Патниците можат преку нивните мобилни уреди да го користат бесплатниот безжичен интернет со едноставно приклучување на безжичната мрежа со име: TAV Airports, без потреба од впишување лозинка.
Вашето возило може да го паркирате на нашиот паркинг без претходна резервација. Оваа услуга е достапна 24/7 на Меѓународниот Аеродром Скопје.
Ценовник за паркинг:
1ч – МКД 100
2ч – МКД 150
3ч – МКД 200
4ч – МКД 300
4-6ч – МКД 400
6-8ч – МКД 500
8-24ч – МКД 1,000
3-5 дена – МКД 3,500
5-7 дена – МКД 4,500
Секој нареден ден – МКД 400
За повеќе информации за паркинг услугите, ве молиме кликнете на Паркинг.
Да. Меѓународниот Аеродром Скопје има посебно означени паркинг-места за лицата со попреченост и паркингот за нив е бесплатен во рок од 24 часа. Со покажување на сообраќајната дозвола и легитимацијата за попреченоста на Шалтерот за наплата на паркинг, лоциран во терминалната зграда, нашите вработени ќе го поништат паркинг-билетот и лицето со попреченост автоматски ќе биде ослободено од плаќање паркинг. Доколку сите паркинг-места за лицата со попреченост се зафатени, паркирајте се на обично место и следејќи ја истата постапка ќе бидете ослободени од плаќање паркинг.
За повеќе информации за паркинг услугите, ве молиме кликнете на Паркинг или на http://skp.airports.com.mk/mk-MK/passenger-guide-mk/page/-passengers-with-disabilities-and-passengers-with-reduced-mobility-prm-mk-
За патување со миленик во авион потребно е патниците да ги обезбедат сите потребни документи и вакцини за животното пред да тргнат на пат. За подетални информации обратете се во авиокомпанијата со која летате:
https://en.aegeanair.com/travel-information/special-assistance/traveling-with-pet/
https://www.turkishairlines.com/en-us/any-questions/traveling-with-pets/
https://www.croatiaairlines.com/Travel-info/Special-passenger-categories/Animals
https://www.qatarairways.com/en/baggage/animals.html
https://www.austrian.com/Info/Flying/TransportationAnimals
https://www.flypgs.com/en/write-to-us/a0j58000000NHWFAA4#sf-1
Wizz Air не дозволува домашни миленици во авион, со исклучок на кучиња водичи кои придружуваат лица. За овие кучиња е неопходно да се достават соодветни документи за патување.
https://wizzair.com/en-gb/information-and-services/travel-information/baggage
Да. Меѓународниот Аеродром Скопје има Служба за помош на патници со попреченост и патници со намалена подвижност – PRM. Службата каде што може да се најде оваа бесплатна услуга, се наоѓа веднаш до Шалтерот за информации, во терминалната зграда. Како личност со намалена подвижност (PRM) се подразбира секое лице чија подвижност е намалена поради физичка попреченост (сензорна или локомоторна), интелектуален дефицит, возраст, болест или друга причина.
Да. На Меѓународниот Аеродром Скопје има просторија за пушење, која се наоѓа во безбедносно-контролираната зона. Просторијата за пушење се наоѓа веднаш до излез број 201, односно од левата страна по пасошка контрола и по пунктот за безбедносен преглед.
Покрај собата за пушење, патниците можат да ги користат и отворените тераси од кафетериите кои се наоѓаат на влезот во терминалната зграда на аеродромот.
Пушењето е забрането во останатиот дел од терминалната зграда.
Во случај на општи прашања за кои не ви е потребен итен одговор, жалби или пофалби, пишете ни на customer.mk@tav.aero Тоа е нашиот Оддел за односи со клиенти, од каде во најкус можен рок ќе добиете одговори на Вашите прашања.